CILACAPHITS.COM - Kabar bungah, Lur! Dewan Perwakilan Rakyat Daerah (DPRD) Kabupaten Cilacap karo Pemerintah Kabupaten Cilacap, sing diwakili Bapak Bupati Syamsul Auliya Rachman, wingi resmi ngesahna telung Rancangan Peraturan Daerah (Raperda) penting dadi Peraturan Daerah (Perda). Keputusan kiye dijukut pas Rapat Paripurna dina Rebo (29/10/2025).
Jare sapa Perda kuwe angel diweruhi? Sing jelas, telung aturan anyar kiye njamin uripe inyong, rika, kabeh warga Cilacap, dadi luwih makmur lan diayomi hukum!
Apa bae sih telung Raperda sing wis dadi Perda kuwe?
1. Perda Pengelolaan Perikanan: Kanggo Nelayan Cilik Ben Ora Kelelep!
Perda kiye sing paling dienteni. Jenenge Pengelolaan Perikanan. Bupati Syamsul negesna, Perda iki penting pisan nggo nggawe sektor perikanan ning Cilacap maju, isa saingan, lan tetep lestari.
Apa gunane nggo Rika?
- Nek rika nelayan cilik, sing budidaya iwak, apa sing dodolan iwak, urip rika bakal lewih terjamin.
- Dadi, sumber daya iwak lan lingkungane tetep aman lan lestari.
- Pemerintah Daerah duwe payung hukum nggo mbina lan ngawasi para juragan iwak. Pokoke, adil!
2. Perda Perubahan Penyelenggaraan Perhubungan: Angkutan Cilacap Dadi Rapih!
Sing keloro, Perda nggo ngowahi Perda Nomor 6 Tahun 2018 bab Penyelenggaraan Perhubungan. Pengowahan kiye kudu dilakokna merga kudu ngikuti aturan anyar, terutama sawise ana Undang-Undang Cipta Kerja.
Jare Mas Syamsul, Perda kiye nggo nyedakna pelayanane Pemkab maring masyarakat lan nggo ngedongkrak perekonomian daerah.
Apa gunane nggo Rika?
- Urusan transportasi utawa angkutan ning Cilacap dadi lewih lancar, tertib, lan nyaman.
- Masalah transportasi sing ana ning daerah bakal cepet ditangani, ben asile kerasa langsung nggo kabeh wong.
3. Perda Optimalisasi Kepesertaan Jaminan Kesehatan (Jamkesda): Kabeh Warga Cilacap Kudu Waras!
Nah, kiye sing paling penting, Raperda Inisiatif saka DPRD babagan Optimalisasi Kepesertaan Jaminan Kesehatan.
Tujuane pol! Yaiku, njegur kabeh penduduk Kabupaten Cilacap duwe jaminan kesehatan. Soale, kesehatan kuwe hak dasar kabeh wong!
Apa gunane nggo Rika?
- Perda iki masti’na mekanisme kepesertaan, fasilitas pelayanan, pendanaan, lan pengawasan Jamkesda (Jaminan Kesehatan Daerah) dadi jelas lan mantep.
- Intine, Pemerintah Daerah wis duwe landasan hukum nggo nggawe kabeh warga Cilacap bener-bener kebagian jaminan kesehatan.
"Dengan ditetapkannya Rancangan Peraturan Daerah tentang Optimalisasi Kepesertaan Jaminan Kesehatan menjadi Peraturan Daerah, Pemerintah Daerah memiliki arah, landasan, dan kepastian hukum dalam pelaksanaan optimalisasi kepesertaan jaminan kesehatan di Daerah
Penandatanganan berkas pengesahan kiye wis dilakokna bareng antarane Bupati Cilacap lan Pimpinan DPRD. Dadi, Perda telu kiye wis sah dadi aturan sing kudu ditandangi ning Kabupaten Cilacap.
.png)
.png)
.png)
.png)
.png)
){kind=link}