[MANTAP POL!] Gerbang Tol Cilacap Mesti Nang Kene! Trase Tol Pejagan-Cilacap Bocor: Lebeng Dadi Kunci Nggo Maju! (Tol Cilacap Lebeng, Jadwal Pembangunan 2029, Ekonomi Cilacap)

CILACAPHITS.COM - Wong Cilacap kabeh, siap-siap! Kabar sing wis suwe dienteni saiki wis cetha banget. Pemerintah Pusat wis mbeber trase utawa jalur resmi Jalan Tol Pejagan–Cilacap sing dawane 95,3 kilometer.

Iki kabar mendem tenan! Soale, anane tol kiye bakal nggawe perjalanan seka Purwokerto maring Pejagan sing biasane 3 jam dadi mung siji nganti siji setengah jam tok! Cilacap dadi luwih cedhak karo Pesisir Lor lan Jakarta!

Lebeng Dadi Kunci Metu-Mlebu Cilacap!

Sanajan tol kiye bakal mbelah papat kabupaten (Brebes, Tegal, Banyumas, lan Cilacap), sing paling penting nggo warga Cilacap yakuwe pintu metu utawa interchange-é.

Saka lima seksi pembangunan, Cilacap kebagian seksi pungkasan, yakuwe Seksi 5. Pintu metu utawa Gerbang Tol Cilacap dipastikna ana ning wilayah Lebeng!

• Seksi 5: Wangon–Lebeng. (Ujung pungkasan tol, Gerbang Tol Lebeng)

Pintu metu liyane ana ning Ajibarang lan Wangon (Banyumas). Dadi, angger rika arep maring kota Cilacap seka arah Brebes, metu-é mesti liwat Lebeng.

Banyumas Paling Kena Lintasan Tol

Sanajan tujuane Cilacap, ternyata ruas tol paling dawa (hampir 50% utawa sekitar 40-an km) bakal liwat Kabupaten Banyumas, yakuwe Seksi 3 (Bumiayu–Ajibarang) lan Seksi 4 (Ajibarang–Wangon).

Tapi, aja sumelang, Lur. Anane tol kiye nggawe konektivitas Cilacap, Banyumas, lan Brebes dadi rapat. Ekonomi Cilacap, sing duwe Pelabuhan lan Kawasan Industri, dijamin bakal melu mendem lan gaspol!

Jadwal Gebyagan: Sabar Dhisit, Lagi Digawe Dhisik

Angger ditakoni, “Kapan didadekna, Ndon?” Nah, iki sing kudu dimaklumi. Proyek raksasa sing duite (investasi) sekitar Rp 27 triliun kiye lagi proses mateng:

• Rampung Pra-Studi Kelayakan: Awal 2026.
• Pelelangan: Kuartal IV 2026.
• Penandatanganan Kontrak lan Pembebasan Lahan: Ditargetna 2027.
• Pembangunan Fisik (Konstruksi): Ditargetna Mulai Taun 2029!

Meskipun kudu sabar ngenteni pirang-pirang taun maning, sing penting, inyong kabeh wis duwe kepastian rute Gerbang Tol Cilacap ana ning Lebeng! Siap-siap, Cilacap bakal Bercahaya pol!