[TERUNGKAP] RAJA PMR CILACAP! 700 Pelajar Padahal Cilik-Cilik Wis Nggilani Tenan, Tekan 4 Dina! (Jumbara PMR Cilacap 2025)

CILACAPHITS.COM - Cilacap lagi rame! Jebule ana acara gedhen sing nyenengna lan nggawe gumun, Lur! Palang Merah Indonesia (PMI) Kabupaten Cilacap, nggebyag Jumpa Bakti Gembira (Jumbara) nggo PMR Madya (SMP/MTs) lan PMR Wira (SMA/SMK/MA) taun 2025!

Acara super kiye dianakna wiwit dina Kemis (30/10/2025) tekan Minggu (2/11/2025) nang Lapangan Krida Nusantara, Cilacap Lor. Sing nggawe bangga, langsung dibuka resmi dening Bapak Bupati Cilacap, Syamsul Auliya Rachman!

700 Calon Pahlawan! Cilik-Cilik Tapi Atine Wis Mulia!

Rika ngerti? Peserta Jumbara taun kiye mendem banget! Cacahe tekan 700 bocah pelajar! Kabeh kuwe teka saka 48 regu, perwakilan saka kontingen PMI kecamatan sak-Kabupaten Cilacap.

Jumbara kiye dadi wadah 2 taunan nggo ngajari bocah-bocah dadi relawan sejati. Temane taun kiye mantep: “Dengan Jumbara PMR, Kita Wujudkan PMR yang Terampil, Berbakti dan Bersahabat.”

Jare Mas Syamsul, Jumbara kiye dadi bukti yen Cilacap peduli karo pembinaan generasi mudane.

“PMR kuwe relawan masa depan PMI. Mulane, karaktere kudu dibentuk wiwit cilik, kudu diiseni nilai-nilai kemanusiaan,” ngendikane Bapak Bupati Syamsul.

Gak Mung Kemah Biasa! Ana Aksi Nyata Nggo Warga Cilacap!

Acarane ora mung defile lan lomba-lomba tok. Bocah-bocah kiye diajari cara dadi relawan sejati liwat:

• Kegiatan utama pembinaan
• Anjangsana lan tukar karya (padu ide lan hasil gawean)
• Workshop nggo pembina
• Lan sing paling juara, ana BAKTI SOSIAL!

Bareng karo pembukaan, Bupati Syamsul uga melu nyerahna:

1. Penghargaan nggo para pendonor getih sukarela sing wis tekan 10, 20, lan 25 kali (Maturnuwun, sedulur!).
2. Bantuan paket sembako nggo 100 Kepala Keluarga (KK) sing mbutuhna.
3. Kacamata gratis nggo siswa SD/MI lan SMP/MTs.
4. Donor Getih Massal langsung ning lokasi Jumbara!

Aksi kiye mbuktikna, dadi relawan ora kudu nunggu gedhe. Bocah-bocah PMR Cilacap wis siap dadi agen perubahan!